Minisiriw ka ɲɔgɔnɲɛ senfɛ arabadon avril kalo tile 11 san 2024 la, u y'a latigɛ ka politikitɔnw ka baaraw lajɔ, nka u bɛna baaraw daminɛ waati min kokura o ma fɔ. U ka baaraw jɔli kun, a jira la sɛbɛn kɔnɔ, minisiriw ka ɲɔgɔnɲɛ kɔfɛ, kɔ politikikɛbagaw n’u jɛɲɔgɔnw ka kɛwale juguw de bɛ ka caya jamana kɔnɔ. O de kama u ye nin fɛɛrɛ ta k'u ka baaraw lajɔ fɔlɔ. Marajɛkulu ka kumalasela, colonel Abdoulaye Maïga, y'a jira kɔ sigikafow bɛ senna jamana kɔnɔ, politikikɛbagaw fana ka laɲini tɛ foyi ye furancɛ fanga ban waati, n'o ye mars kalo tile 26 ye kɔ ka labato. O kama marabagaw y'a jira ko sigikafo nafama min bɛ senna malidenw ni ɲɔgɔn cɛ, walasa bɛn ka kɛ ɲaniya ɲumanw ka ta, kɔ mankan ka kɛ fɔɲɔgɔnkɔ kɔnɔ.
Alamisadon avril kalo tile 11 san 2024 la, tɔn min fana bɛ kunnafonisow hakɛw kolosiliw kama Mali la, n'o ye Haute Autorité de la Communication (HAC) ye, y'a fɔ sɛbɛn kɔnɔ kunnafonidisow la, kɔ kunnafonidilaw bɛɛ (arajo, television, kunnafonidisɛbɛnw ani minnu bɛ kunafonidi bololo sira fɛ) u ka politikitɔnw ka baaraw laseli bɔli bɛɛ dabila. HAC y’a ɲɛfɔ cɔgɔmin, k'a ka latigɛ in bɛ talikɛ ka ɲɛsi marabagaw ka ɲaniya in labatoli de ma, n'u ye politikitɔnw ka baaraw bɛɛ lajɔ jamana kɔnɔ.
Tiambel Guimayara koni bolo, kunnafonisɛbɛn min togo "La Voix du Mali" o ɲɛmɔgɔ don, k'u ma sigi nin ɲaniya in ma, nka o bɛna ta k'a ka kan, bawo ɲaniya bɔra HAC de fɛ, n'o ye kunafonidilaw ka cakɛda ye, n'a bɛ kolosiliw kɛ kunnafonidilaw kan ani k'u ka hakɛw latanga jamana kɔnɔ. Wa n'o k'u ka politikitɔnw ka baaraw bɔli dabila kunafonidisow la, i na fɔ marabagaw y'a fɔ cɔgɔmin o ka kan. Tiambel Guimayara nin VAO Afrique ka kumaɲɔgɔnya senfɛ, a y’a ɲɛfɔ ko nin ɲaniya in sɔrɔla sɔsɔli gɛlɛn de la, bawo politikitɔnw tun bɛ ka jira kɔ furancɛ fanga waati sera dan na, mars kalo tile 26 san 2024 la. O mankanw kɔsɔn furancɛ fanga ɲɛmɔgɔw fana ye nin ɲaniya ta ka politikitonw ka baaw lajɔ fɔlɔ.
Kɔ sariya min ye politikitɔnw ka baaraw lajɔ, n'o tun ma kɛ politikitɔnw caman bɛna lajɛw de kɛ, wa o lajɛw fana tɛ se ka kɛ nin kunnafonidilaw ma wele. O kama, « La Voix du Mali » kunafonisɛbɛn ɲɛmɔgɔ, Tiambel Guimayara kɔ furancɛ fanga ɲɛmɔgɔw fana y'o de jatɛminɛ kɔ wulikajɔw bɛ sɔn ka caya jamana kɔnɔ politikikɛbagaw fɛ, k'u dusumakasi jira kunafonidisow la, n'o fana bɛ son ka kɛ kololo were ye jamana ma. O de kama furancɛ fanga ye nin latigɛ ta.
Tiambel Guimayara hakili la, « politikitɔnw fana ka kan ka kumaɲɔgɔnɲa kɛ u ni furancɛ fanga cɛ, i na fɔ sira y'a fɔ cɔgɔmin na, walasa ka bɛn waati kan kalataw ka kɛ ».
Sɔrɔdasiw tun ka kan ka labɛn sabati walasa ka fanga di siwili dɔ ma mars kalo tile 26 la, nka halisa u bɛ fanga la. « A ka kan ka kumaɲɔgɔnɲa kɛ furancɛ fanga in ban waati kan, o nafa ka bon kɔsɛbɛ»Tiambel Guimayara ka kuma fɔ la.
Forum