Nin kunnafonisɛbɛn nin kɔnɔ min bɛ Amerique jamana fanga ka hakilina jira, sinsin kɛra ji nafaba kan diɲɛ ma. Mariam Traore be a kunnafoni lakali.
Amerique jamanatigi Joe Biden ye a bolonɔ bila sariya dɔ la araba don min bɛ yamaruya di sɔrɔdasi dɛmɛni ma min bɛ se miliyari 61 ma Ukraine jamana na. Pentagon ye teliya la ka dɔrɔmɛ miliyari kelen foroko kura laseli kyiv kama, marifa ni fiɲɛ lafasali marifaw sen bɛ o la, jamana mago bɛ minnu na.
TikTok ɲɛmɔgɔba ye layidu ta araba don ko a bɛna kɛlɛ kɛ kiritigɛso la walasa ka Amerique sariya kura dɔ wuli min bɛ se ka nin baaraminen min bɛ fɔ kosɛbɛ, o bali, k’a sababu kɛ jalakiw ye ko a bɛ Chine jamana fanga bolo.
Amerique cidenyaso nyemogo Antony Blinken sera Chine jamana na araba don a ka taama filanan na san kelen kɔnɔ, n’a ka baara ye ka dɔ fara degun kan Pekin kan ko suguya caman kan, i n’a fɔ a ka dɛmɛni Irisi jamana ma, k’a sɔrɔ a bɛ sabatiliba ɲini.
Amerique jamana fanga ye nyangiliw kura da JNIM, Al Qaida bolofara min bɛ Sahel, olu kan.
Amerique kiritigɛsoba bɛ sɔsɔliw lamɛn alamisa don, Donald Trump ye min wele ko a ye jamanakuntigi kɔrɔ ye, o ye ko ye min kɔnɔ, a ka latigɛ teliya n’a kɔnɔko bɛɛ bɛ se ka girinya kosɛbɛ ka lata yerekofo la
Amerique jamanakuntigi Joe Biden b’a fɛ ka salen kura kɛ nɛgɛ dɔw la minnu bɛ na ka bɔ Chine jamana na bawo a dalen b’a la k’u bɛ Amerique baarakɛlaw tɔɔrɔ tilenbaliya la. O ye welekan ye Amerique baarakɛlaw ma jamana kɔnɔ min bɛ jamanakuntigi ka yerekofo kɔnɔ.
Washington ye baro daminɛ ni Niamey ye Amerique sɔrɔdasi minnu bilala yen, jihadiw kɛlɛli kɛlɛ dɔ senfɛ Sahel, olu bɔli Niger jamana na, Pentagon y’o fɔ bi jumadon.
Donald Trump ye "janfaje" dɔ dabɔ walasa ka 2016 sàn jamanatigisigi ka kalata "nanbara" a kɛtɔ ka jatoya jaabo dolow kɔrɔ dɔ ka makun san cɛnimusoya ko la, jalakilikɛlaw y'o jalaki tenin don Amerique jamanatigi kɔrɔ ka tariku kiritigɛ la
Joe Biden ye layidu ta tenin don, negejuru weleli la ka taa Ukraine jamanakuntigi Volodymyr Zelensky ma, ko a bɛna sɔrɔdasi dɛmɛ “nafama” ci a ma “teliya la”, ni Amerique wasablon ye bolomademe kura ta k’a jɛya, n’o ye dɔrɔmɛ miliyari 61 ye kyiv
Amerique jamana ka duguma wasablon _Chambre des representants ye wote kɛ koroce bi sibiri don dɛmɛn bolodalen dɔ kan Ukraine, Israel ani Taiwan jamanaw ye
Amerique jamana labanna ka bɛn jumadon k’a ka sɔrɔdasi ba caman bɔ Nigɛr Niamey ka fanga ka ɲinini fɛ juillet kalo ka fanga-dafirili kɔ fɛ, k’a sababu KɛRussie jamana fanga bonyalen ye o mara nin na.
Voir plus