VOA jɔrɔlen don kabini Burkina Faso marabagaw y'a ɲaniya taa avril kalo tile 25 san 2024 la, k'a ka porogaramuw lajɔ dɔgɔkun fila kɔnɔ. Nin ɲaniya in ɲɛsinen bɛ VOA ka kunafoniw kɛnɛw minnu bɛ kɛ bamanankan ni faransikan na, bololo siraw fana tigɛra ani ko VOA ka laseliw dabila ka ɲɛsi baɲumakɛtonw ka jateminɛ sɛbɛnw kan halamadenw hakɛw labato baliya kan Burkina kɛlɛbolo fɛ.
O kama, VOA ɲɛmɔgɔba John Lippman y’a jira ko “VOA bɛ to a ka kunnafonidiw la Burkina Faso kan, tilennenya kɔnɔ, wa a bɛ bɛɛ damakɛɲɛ kunnafonidiw la.” A y’a jira fana ko : « Voix de l'Amerique bɛ kunnafonidilaw ka sariya labato kosɛbɛ, o de kama an b’a ɲini Burkina Faso marabagaw fɛ, a ka segin kɔ a ka nin ɲaniya gɛlɛn in kan ka ɲɛsi VOA ma.”
Lippman y’a jira ko : « Diɲɛ bɛ k'a labɛn don krɛnkrɛnnen min taara ka di diɲɛ kunnafonidilaw ma, n'o ye (Journée mondiale de la liberté de presse) ko ɲɛnajɛ kɛ dɔgɔkun kelen kɔnɔ, nin wale in, Burkina b'a fɛ ka dan sigi kunnafonidilaw ka baara la u yɛrɛ sagɔ la. Wa nin y'o misali wɛrɛ de ye tiɲɛ na. O de y'a tɔ VOA b'a fɔ ko: Kunnafonidila ka kunnafonidi a yɛrɛ sagɔ la, o nafa ka bon. »
San 2020 jatew la, kɛmɛsarada la, VOA ka lamɛnlikɛlaw dɔgɔkun kɔnɔ sera mɔgɔ 14 ma Burkina Faso jamana na.
Forum