Kibaru Oregon mara taasuma kasara kan- Ameriki jamana na, kungo tasumaba dɔ bɛ ka taa a fɛ ka jiriw jeni ani ka mara in datugu ni sisiba ye min bɛ fiɲɛ cogoya falen. Ameriki Tlebi jamanaw tiɲɛ min bɛ ka tɔɔrɔ ja jan dɔ fɛ.
"Cedar Creek Fire", ye hectare 37.500 ɲɔgɔnna tiɲɛ Oregon jamana na, wa a ma se ka kunbɛn fewu, ka kɛɲɛ ni faamaw ka fɔ ye. O sisi bɛ ka taa a fɛ ka fiɲɛ hakɛ jugu lawuli, a ka c’a la, o bɛ to senna tile damadɔ kɔnɔ. Tasumafagalanw bɛ ka kɛlɛ kɛ walasa tasuma kana jɛnsɛn. So 2000 ni kɔ ani jagokɛyɔrɔ 400 ni kɔ bɛ farati la hali bi, nka faamaw ye u ka mɔgɔw bɔli labɛn kɔlɔsili hakɛ jigin yɔrɔ dɔw la. Cikan dira duguden kɛmɛ caman ma kaban ka bɔ u ka yɔrɔw la ani faamaw ye mɔgɔ ba caman wɛrɛw lasɔmi ko u k’u labɛn ka bɔ yen ni mago bɛ u la. Kabini Awirilikalo laban na, tasuma wɛrɛ, n'o ye "Double Creek Fire" ye, o ye Oregon worodugu-tlebi tiɲɛ, wa a ye kungo hectare 62.000 ni kɔ tiɲɛ kaban. Tasuma 90 ni kɔ bɛ ka ci jamana caman na Ameriki tilebin yanfan fɛ. Tasumafagalanw bɛ ka Fairview tasuma kɛlɛ sisan Los Angeles dugu kɔkan ani Soso tasuma min bɛ Sacramento lamini na.