Somali jamana na, lakanabagaw ye dunan jingin yoro dɔ lamini Mogadishu dugu kɔnɔ, Shabaab silamɛw fɛ kunun, kɛlɛw kɔfɛ, minnu kɛra sababu ye ka mɔgɔ 14 faga, siwili 8 tun bɛ minnu na.
Baara min kɛra Hotel Rosa la, o banna, polisiw ka kumalasela Sadik Aden Ali y’o fɔ. Siwili 8 fagara, ka fara polisi dɔ kan, binkannikɛlaw fɛ, minnu hakɛ ye mɔgɔ wɔɔrɔ ye, a ko ten. Kelen y’a yɛrɛ fiyɛ, duuru tɔw fagara marifa cilen na lakana bagaw fɛ, kumalasela y’a fara a kan. A ka fɔ la, binkanni in Kɛra kabini kari don wula fɛ fo ka se sanga 21 ma, mɔgɔ wɔɔrɔ fɛ. Lakanalikɛlaw ye mɔgɔ 60 ni kɔ kisi.
Nin binkanni laban nin bɛ kɛ waati min na jamanakuntigi Hasan Cheikh Mohamoud, min sugandira mɛ kalo la, o y’a latigɛ ka kɛlɛ bɛɛ kɛ Al-Shabaab silamɛw kama. Ɔkutɔburu kalo tle 29, bolima fen mugu prerinta fila pɛrɛnna miniti damadɔ kɔnɔ ɲɔgɔn fɛ Mogadishu, ka mɔgɔ 121 faga, o kɛra binkanni ye min ye mɔgɔ faga ka tɛmɛ binkanni tɔw bɛɛ kan san duuru kɔnɔ. Ani fana, Ɔkutɔburu kalo daminɛ na, mugu perinta saba binkanni kɛra Beledweyne dugu cɛmancɛ la, mɔgɔ 30 ni kɔ fagara ani Awirili kalo la, dunan jingin yoro wɛrɛ la, dunan 21 fagara Mogadishu dugu lamini na, sanga 30 ɲɔgɔn lamini kɔfɛ.
Ani AFP