Israɛl ni Gaza jamana bɛ kɛlɛ la tugun bi sibiri nin na, Hamas ka sɔrɔdasi-kɛlɛ kabakoma dɔ daminɛ kɔfɛ, n’o ye geleden -missile ba caman ci, ka kɛlɛcɛw don Israɛl jamana kɔnɔ, k’a fɔ k’u ye Banisarakaw minɛ. Israɛl fanga ɲɛmɔgɔ Bɛnjamɛn Netanyahu y’a jira ko: “An bɛ kɛlɛ la, o tɛ baara nɔgɔman ye walima fariyako siratigɛ la, nka kɛlɛ don.” Israɛl dugu minnu bɛ Gaza lamini na, olu ye sɔgɔma kɛ ka kɛɲɛ ni pankuru kɛlɛli lasɔmini tamasiniew sirenw ye minnu pɛrɛnna fo ka se Tel Aviv ani Jerusalɛm ma. Mɔgɔ binaani ni kɔ fagara ani “779 jogin” Israɛl fan fɛ, ka kɛɲɛ ni Magen David Adom ka fɔ ye, n’o ye Israɛl ka Croix Rouge bɔɲɔgɔnko ye. Mɔgɔ 198 ni kɔ fagara, ka kɛɲɛ ni Hamas kɛnɛya minisiriso ka fɔta ye. Hamas jabarani ye cikan lamɛntaw dɔ kɔnɔ, nin tɔn in ka marifatigiw ka ɲɛmɔgɔba y’a jira ko, ale ye “Al-Aqsa sanjiba” baara daminɛ Israɛl kama, k’a fɔ ko a ye “gele bon-rocket 5000” ni kɔ ci. “An y’a latigɛ ka fanga minɛ ka juguya bɛɛ ban,” Mohammad Deif, min ye Ezzedine al-Qassam Brigades ɲɛmɔgɔ ye, o y’o fɔ o cikan kɔnɔ. Israɛl ka lafasali minisiri Yoav Gallant y’a fɔ ko Israɛl sɔrɔdasiw “bɛ ka jugu kɛlɛ yɔrɔ bɛɛ la.” Jaabiw bɛ ka caya o binkanniw kɔfɛ. Ameriki jamana lakanani minisiri Lloyd Austin y’a jira k’a ka baarakɛda bɛna a lajɛ ko Israɛl “a mago bɛ fɛn minnu na walasa k’a yɛrɛ lafasa.” Ukraine jamanatigi Volodymyr Zelensky b’a Jira ko Israɛl ye “jo min tɛ Se ka sɔsɔ” k’a yɛrɛ Lafasa nin Hamas binkanni ninnu na, France ni Allemagne bɛ minnu Jalaki. ONU ka ciden min bɛ cɛmancɛ kɔrɔnfɛla la, n’o ye Tor Wennesland ye, a ye min fɔ, a ye Hamas ka “bìnkanni juguw” jalaki Israɛl kan, k’a ɲini k’u jɔ “o yɔrɔnin bɛɛ”. Russie ni, Egypte bɛ wele bila “minɛ” ma.
Ani AFP
Forum