Mali y'a ka cidenjuru jɛnɲɔgɔnya tigɛ ni Ukraine ye kunun kari don na

Mali y'a ka cidenjuru jɛnɲɔgɔnya tigɛ ni Ukraine ye kunun kari don na, k'a jalaki nin jamana nin kan ko a sen bɛ Mali sɔrɔdasiw ni Wagner kulu ka dɛsɛba la juillet kalo laban na, ka kɛlɛ kɛ ni faranfasibagaw ni jihadikɛlaw ye Tinzaouatène, Algerie dance na jamana keneyeka-kɔrɔn fɛ yɔrɔ jan. A ka kumalasela, Colonɛl Abdoulaye Maïga y’o nin de fɔ. Mali ye kuma juguw jalaki, minnu kɔnɔ, Andriy Yusov, n’o ye Ukraine sɔrɔdasiw ka kunnafonidi-tɔn ka kumalasela ye, sɔnna a ma ko Ukraine jamana sen donna min na, a bɛ min wele ko “binkanni siranba, janfa ani waraya min kɛra marifatigiw fɛ, n’o kɛra sababu ye ka Mali sɔrɔdasiw faga. Bamakɔ bɛ kiri tigɛ ko nin wale ninnu “bɛ Mali ka yɛrɛmahɔrɔnya tiɲɛ, ka tɛmɛn jamana wɛrɛw ka donko hukumu kɔnɔ, ka kɛ dɛmɛ ye diɲɛ jamanaw ka jatigɛwale ma” ; layidu ta ko a bɛna o ko lase kiritigɛlaw ma minnu bɛ se kosɛbɛ , ka « fɛɛrɛ wajibiyalenw tigɛ walasa ka Mali basigibaliya fɛn o fɛn bali . Sibiridon, Senegali faamaw y’a jira k’u ye Ukraine jamana lasigiden weele Dakar, k’a sababu kɛ a ye jaa dɔ bɔ min bɛ binkanni juguw dɛmɛ kɔsa nin na Mali sɔrɔdasiw n’a jɛɲɔgɔnw kan.