Burkina Faso faamaw ye Voix de l'Amerique sonsonro kalo saba kɔnɔ , ka da a kan, o nin kunnafonidilaw dɔ ka kumaw kan. Sordasi fanga fana ye sigida kunnafonidilaw bali waati dɔ kɔnɔ, u kana baara kɛ ni diɲɛ kunnafonidilaw ka kunnafoni si ye, kunnafoniw y’a jira. Burkina Faso ka kunnafonidi jamakulu ba , walima CSC, ye VOA jalaki ko a ye sɔrɔdasiw dusu tiɲɛ Burkina Faso ani Mali kɛrɛfɛ, a laseli dɔ senfɛ sɛptembre kalo tile 19, kunnafonidilaw ka fɔ la. O ɲininkali nin kɛra kɔfɛ sigida arajo dɔ fɛ min ye mɔgɔ kelen ta ye, ka kɛɲɛ ni Reuters ka fɔta ye. Telefɔni nimɔrɔ min tun bɛ bololo kan CSC kama, o tun tɛ baara kɛ. VOA y’a ɲini ka hakilina ɲini bololo sira sɛbɛn dɔ fɛ CSC ka siti kan, nka a ye fili cikan segin. VOA ni a kunnafoni bangebagaw ka tɔnba, n’o ye U.S. Agency for Global Media ye, olu ma jaabi di o yɔrɔnin bɛɛ, ni ɲininiw kɛra u ka kuma fɔlenw kan. Burkina Faso jamana kɔkankow minisiriso ma jaabi di VOA ka finyesira bataki ma, k’a ɲini ka kuma fɔ nin maana nin kan. Nin tun tɛna kɛ a siɲɛ fɔlɔ ye VOA sonsorona Burkina Faso. Faamaw ye VOA ni BBC ka baara sonsoro avril kalo la, kibaruyaw laseli kɔfɛ banyumanke ton, Human Rights Watch ka kunnafoni dɔ kan, n’o ye Burkina sɔrɔdasiw jalaki, k' u ye kojuguba kɛ siwili jamanadenw na.
VOA
Forum