Amerique jamanakuntigi sugandilen Donald Trump ye Devin Nunes tɔgɔ da kantigi kan sibiridon , n’o ye a ka bololo cekeda Truth Social, ka kunnafonidilanw ɲɛmɔgɔ ye walasa a ka baara kɛ i n’a fɔ, Maison Blanche kunnafonidilaw ka ladilijɛkulu dɔ ɲɛmɔgɔ. Nunes ye republicain ka wasaden Congres mɔgɔ kɔrɔ dɔ ye ka bɔ Californie, min ye Amerique wasablon ka kunnafoniko jɛkulu ɲɛminɛ Trump ka jamanakuntigiya fɔlɔ daminɛ waati la dan. A ye segesegeli cekeda ba FBI Fédéral Bureau d' Investigation jalaki k’a ka fanga tiɲɛ walasa ka Trump ka kalata yerefoko ɲɛmɔgɔ dɔ sɛgɛsɛgɛ min tun bɛ ni Russila kan, caman ye mɔgɔ minnu bɛ ɲɔgɔn sɔrɔ. Trump y’a jira a ka jɔyɔrɔ la ko Nunes bɛna to Truth Social ɲɛmɔgɔba ye k’a sɔrɔ a bɛ ladilikan jɛkulu ɲɛmɔgɔya la. San 2018 k’a to kunnafonidilaw ka tɔn ɲɛmɔgɔ ye, Nunes ye sɛbɛn dɔ bɔ min ye sɔsɔli kɛ k’a fɔ ko FBI ye dabali da Trump kan k’a sɔrɔ a tùn bɛ ten ka sɛgɛsɛgɛli kɛ Russila ka bolonɔbila kan sàn 2016 Amerique jamanatigisigi-kalata la. "Devin bɛna baara kɛ n'a ka ko kɛlenw ye, n'o ye House Intelligence Committee ɲɛmɔgɔ kɔrɔ ye, ani a jɔyɔrɔba min kɛra ka Russila, ka, Russie nkalonw, ka yɛrɛmahɔrɔnya jateminɛw di n ma Amerique gundola segesegeli hakilinaw nyininiw jekulu - Intelligence Community ka baarakɛtaw nafa n’u bɛnnenya kan," Trump y’o fɔ a ka kunnafonidisɛbɛn dɔ kɔnɔ. Jamanakuntigi ka hakilijagabɔ jɛkulu (PIAB), min dabɔra san kɛmɛsu -20nan cɛmancɛ la, o bɛ yen walasa ka ladilikan sɔrɔyɔrɔ yɛrɛmahɔrɔnyalen di, hakilijagabɔ jɛkulu ka kunnafonidilanw nafa n’a ka kunnafonidilanw sɔrɔli. Trump y’a jira ko tɔnba nin bɛ “jamanaden danfaralenw na minnu bɔra foroba fanga -Federal Government- kɔkan.” O sigili nin kɛra dɔgɔkun fila tɛmɛnen kɔfɛ, Trump, min bɛna kalika sien jamanakuntigiya la janvier kalo tile 20, a ye kantigi Kash Patel sugandi ka kɛ FBI ɲɛmɔgɔ ye, ka bila sisan ɲɛmɔgɔ Christopher Wray nɔ na. Patel, Nunes ko a ye dɛmɛ don san 2018 sɛbɛn nin na, o ye ladilikɛla kɔrɔ ye ani Pentagon ɲɛmɔgɔ ye min lakodɔnnen don a ka hakilina dumanw fɛ fanga "jamana dunen- Deep State" kan.
Ani, AFP
Forum