KIBARU IRAKI POLITIKI
Irak jamana na, kɛlɛ daminɛna kokura kɛlɛbolow dɛmɛbagaw ni ɲɔgɔn cɛ taratadon Bagdad, yɔrɔ min na shiite ɲɛmaa Moqtada Sadr dɛmɛbaga 23 fagara marifa la kabini jumadon, ka kɛɲɛ ni kunnafoni kura ye min dira dɔgɔtɔrɔso dɔ fɛ. A ka fɔ la, mɔgɔ 380 ni kɔ jogin na fariyako in na Zone Vert kɔnɔ, n’o ye lamini ye min lakananen don kosɛbɛ – ɲagami cɛma, nin Shiite ɲɛmaa in y’a jira ko a bɛna lafiɲɛbɔ banbali la politiki la. Lakanali kɛra ka ɲɛsin mɔgɔw ma, Washinton ye wele bila ka hakili sigi.
Ameriki jamana y’a ye ko fariyakow daminɛni Bagdad, kunnafoniw bɛ mɔgɔ jɔrɔ, wa a bɛ wele bila ka hakilisigi ni kumaɲɔgɔnya kɛ Irak jamana na, John Kirby, min ye White House ka kumalasela ye, o y’o fɔ. Irak jamana bɛ politiki gɛlɛya la kabini san 2021 ɔkutɔburukalo sariyasunba kalataw, nka ko in barika banna kunun jumadon. Moqtada Sadr dɛmɛbaa kɛmɛ caman ye binkanni kɛ jamana ka masaso kan, minisiriw ka tɔn sigilen bɛ yɔrɔ min na. U ye birow ta, ka sigi sigilanw kan, ka pan ka don jidagayɔrɔ la walima ka selfie ta. O waati kelen na, lakanabagaw y’a ɲini ka ɲɛjirabaga wɛrɛw jɛnsɛn ni ɲɛjibɔlanw ye Zone verte da la, n’o ye baaradaw ɲɛmɔgɔso ni Ameriki lasigidenso ye. Sɔrɔdasi ye jamana ka mɔgɔw bila ka taa jamana kɔnɔ. Nka o ɲagami in jɛnsɛnna Iraki mara wɛrɛw la. A bɛ sàn kelen Bɔ, politikitɔnba minnu bɛ yen, olu ma Se ka bɛnkan Sɔrɔ minisiriɲɛmɔgɔ kura tɔgɔ kan. O la, Irak jamana tɛ ni gɔfɛrɛnaman kura ye, a tɛ ni jamanakuntigi kura ye kabini sariyasunba kalataw kɛra salon.
Ani, AFP.