Sudankaw ba caman ye ɲɔgɔnye kɛ kunun taratadon Kartum nbɛdaw la walasa k’a ɲini siɲɛ kelen kokura sɔrɔdasiw ka bɔ yen ani ka fanga di siwiliw ma.
KIBARU SUDAN KA ƝƐNABƆLI
Ɲɛjirabagaw ye degun in mɔgɔ minnu tɔɔrɔla, olu jaw wuli k’a sɔrɔ dɔw ye jenerali Burhane ta ta, a ɲɛda tigɛlen ni kuruwa ye ani sɛbɛnni min bɛ wele ko « Burhane kɛnɛma ». U ye kumakanw fɔ k’a ɲini sɔrɔdasiw fɛ u ka segin "u ka barakɛyɔrɔ la", i n'a fɔ u bɛ kɛ cogo min na dɔgɔkun o dɔgɔkun kabini jenerali Abdel Fattah al-Burhane ka fanga tiɲɛni, hali ni fanga tiɲɛni kɛra min ye mɔgɔ 116 faga, ka mɔgɔ ba caman jogin. O putsch ye demokarasi bεnkan min Daminɛ san 2019 Omar al-Bashir ka binkanni kɔfɛ, o jɔ ni juguya ye. Zuluyekalo daminɛ na, bɛɛ kabakoyara, jenerali Burhane y’a jira ko ale labɛnnen don ka sira di siwili gɔfɛrɛnaman ma. Nka Forces for Freedom and Change, Sudan ka siwili kuluba ye, o ye "fɛɛrɛw " dɔrɔn de ye ka fanga mara jamana kɔnɔ. Jamana min ye diɲɛ faantanw dɔ ye kaban, o bɛ ka taa a fɛ ka bin politiki ni sɔrɔko gɛlɛyaw la. Geleya tamasin bɛ gɛrɛ keme sarda la ni keme fila (200%) la, wari bɛ foroba da binla ani buru sɔngɔ wulila siɲɛ tan kabini fanga dafirila.
Ani AFP