Kongo jamanadenw ba caman diminnen do, nisongoya wilikajow laye tenindon Goma, Kivu worodugu faaba la, ka Rwanda kɛlɛ, Kinshasa ye min jalaki - hali ni Kigali ye sɔsɔli kɛ - ko a ye M23 murutilenw dɛmɛ. O laban in bɛ ka taa a fɛ ka fanga sɔrɔ Kongo Demokaratiki jamana kɔrɔn fɛ. "Dɔgɔkun kelen tɛmɛnen kɔ, M23 bɛ mara min mara, o bɛ ɲini ka caya siɲɛ fila", o ye tweet kɛ tile laban na KST, Security Barometer of Kivu min ka dɔnnikɛlaw bɛ o mara kɔnɔ. Murutilenw "tɛmɛna tenindon ka taa ɲɛ a worodugu fɛ", k'a sɔrɔ FARDC, RDC sɔrɔdasikulu bɛ ɲɔgɔn sɔrɔ faranka la, koron fɛ , KST ka fɔ la, "ka u ka sira datugu u nye ,ka taa Goma fan la", dugu min sigibagaw ka ca ni miliyɔn kelen ye. Duniya kelenya ton ka fɔ la, kɛlɛ min kɛra FARDC ni M23 cɛ kabini ɔkutɔburu kalo tile 20, o ye mɔgɔ 50.000 ɲɔgɔn Bɔ u ka yɔrɔw la, mɔgɔ 12.000 minnu ye dogoyɔrɔ Sɔrɔ Uganda jamana la.
Ani AFP