Turquie duguba Sanliurfa kɔnɔ, mɔgɔ minnu ye u yɛrɛ kisi dugukolo yɛrɛyɛrɛba ma min ye saya, tiɲɛni ani tiɲɛni kɛ o mara la, olu bɛ ni nka yebali ye bagabagali barikama -- kɔngɔ. Sɔgɔmada tile bɛ sankolo yeelen tuma min na, Sanliurfa nbɛdaw karilenw bɛ i n’afɔ u lankolon don. Mɛkisiki bɛ nɛnɛ sanfɛ dɔrɔn, nka a bɛ nɛnɛ kosɛbɛ. I n’afɔ u sigiɲɔgɔn minnu bɛ mara kɔnɔntɔn tɔw la, minnu tɔɔrɔla tenin don dugukolo yɛrɛyɛrɛba fɛ min fanga ye 7,8 ye, n’a kɔfɛ-yɛrɛyɛrɛ siranninw, Sanliurfakaw fana bɛ ten a sinsinnen bɛ ɲɛnamaya jɔnjɔnw kan. Turquie jamana ka dugukolo yɛrɛyɛrɛ min fanga ka bon kosɛbɛ san kemesi(100) ɲɔgɔn kɔnɔ, o tun ye nin dancɛ yɔrɔ jan in na ni Siri jamana ye jumadon sɔgɔmada joona fɛ, ka mɔgɔ caman faga mɔgɔ 5000 bɛ Turquie ani a sigiɲɔgɔn Siri jamana na. Sanliurfa denbaya tan ni caman ye dogoyɔrɔ sɔrɔ Hilton dunanjiginyoro belebeleba duguma. Taratadon sɔgɔmada joona fɛ, bangebaga fanba minnu bɛ ka u yɛrɛ jɛngɛ n’u denw ye, olu ma sunɔgɔ foyi la. "An sera yan kunun 15h waati, dunan jigin yoro ye suman di an ma wula fɛ, nka su tɛmɛna. Kɔngɔ b'an na, denmisɛnw fana", a ko ten Alimami Caglar, san 42. "Burufeere sow bɛna datugu bi, n t'a dɔn an bɛna buru sɔrɔ cogo min na", den saba facɛ y'o fɔ. A tɛ se ka kɛ ka taa dumuni ta aka siyoro kɔnɔ, min bɛ nbɛda damadɔw la, k’a sababu kɛ farati ye ko boon bɛ se ka barika tiɲɛ. "An sigilen bɛ sankanso fɔlɔ la saba cɛma, an sirannen don kojugu ka segin", a b'a kunkolo wuli. "An ka boon lakananen tɛ fewu." - Tilemana jaabi geleya - . Turquie fanga bɛ ka wuli ka mɔgɔw bila so minnu jagoyalen don ka don nbɛda la, uka so binna kɔfɛ walima farati tun bɛ u la kojugu ka to yen bawo kada dugukolo yɛrɛyɛrɛw kɔfɛ. Mɔgɔ ba kɛmɛ caman ye su kɛ siyɔrɔ la, lakɔlisow, misiriw ani foroba so wɛrɛw la, dɔw y’u dogo dunan jigin yorow minnu dabɔra u da la fu. Dumuni ni dɛmɛ jɔnjɔn wɛrɛw di u ma, o kɛra gɛlɛya ye. Tilemana sanfiɲɛba dɔ y’a to o mara siraw, n’u dɔw tiɲɛna kosɛbɛ dugukolo yɛrɛyɛrɛw fɛ, a bɛ ɲini ka kɛ ko u tɛ se ka tɛmɛ. Sigida pankuru jiginyoro caman datugulen don, u... pankurun boliyɔrɔw minnu mago bɛ dilan na. Mehmet Cilde, san 56, den wɔɔrɔ fa, ko: "An tun bɛ ni suman tasa fitinin ye, o tɛ bɔli kɛ." A jigi b’a kan ko sigida minisiriso bɛna laban ka dumuni di. Nka, a Sɔnna a ma ko "kunnafoni t'an bolo, foyi t'an bolo". - 'Foyi tɛ ni bɔrɔw tɛ' - . O ko in ka jugu ni Filiz Cifci ye ka tɛmɛn fɔlɔ kan. A ma se ka suman tilatilali kɛ jtenin don wula fɛ, nbɛda la ka taa a fɛ ka bɔ Hilton dunan jigin yoro la. Cifci n’a den saba, minnu bolila uka so sanni dugujɛ ka se tenin don n’u ka fini saba n’u ka telefɔniw dɔrɔn ye, olu y’a fɛ ka dumuni dɔ soroɛ ka tɛmɛ jira fiɲɛ ni sanji nɛnɛ na. "An ye te ni kafe min kunun wula fɛ dɔrɔn, foyi wɛrɛ ma kɛ", a y'o fɔ, a kunsigi ni fini bulama don, a sigilen bɛ dunan jigin yoro sanuyaso gɛrɛfɛ, yɔrɔ min denbayaw bɛ ji minta sɔrɔ. A t’a dɔn n’a denw bɛna dumuni caman sɔrɔ taratadon ani don nataw la. A ko: "Sisan, foyi t'an bolo ni an ka bɔrɔw tɛ." A ye a jɔ dɔɔnin, o kɔfɛ, a y’a fɔ fana ko: “A dɔgɔyalenba la yan, ji bɛ se ka min.”
ANI AFP