Jatigɛwalekɛlaw minnu ni siga tun b'u kan, sibiridon, u ye binkanni kɛ Russie jamana ka daga dɔ kan, min kɔnɔ, Russie sɔrɔdasi kalanfaw tun bɛ yen, Mali cɛmancɛ yanfan na, maraw ɲɛmaw fila ni kɔkankɔ ɲɛnabɔla mɔgɔ dɔ y’o fɔ AFP kunafɔnidisɔ la. Mali sɔrɔdasi ɲɛmaa fila fana y’a jira ko binkanni in kɛra Sévaré dugu kɔnɔ, Mopti mara la.
San 2022 la, Mali jamana ka lafasatɔnw tun ye Russie jamana "kalanfaw" dɔ weele sɔrɔdasiw ladegeliw kama. Nka fangasina fɛ, sɔrɔdasiw minnu dɔ, u ye minnu bɛ bɔ Wagner kulu la.
"An ma kunafɔni sɛbɛn si sɔrɔ folo nin waati in na. Ko in bɛ ka ɲagami hali bi. Jitigewalekɛlaw de ye Sévaré pankurujigiyɔrɔ ni Russie ka daga min b'a kɛrɛfɛ, k'o lamini", o ye ɲɛma dɔ ka kuma kan ye AFP la, n'a tɔgɔ ma fɔ.
K’a daminɛ nɛgɛ kaɲɛ 5 ni saɲa 30 (5h30) waati la, binkannikɛlaw ka muguprinta barikama 4 de ci kan mɛnna, o kɔfɛ, marifa ciw tugurɔ la, mɔgɔ damadɔ minnu tun b'o yɔrɔ la, y'a fɔ AFP kunafɔnidisɔ la cɔgɔmina.
Sisi fana yelen don pankurunjigiyɔrɔ kɛrɛfɛ. "Ni jatigewalekɛlaw tun bɛ Russie kaw n'u ka pankurun nunu de ɲini na, n'u ka daga bɛ pankurunjigiyɔrɔ kɛrɛfɛ. Jitigewalekɛlaw ye pankurunjigiyɔrɔ in dɔ lamini. U tun b'a fɛ ka taa ɲɛ tuma min na, waati dɔɔnin kɔnɔ, minusma ka Senegali sɔrɔdasiw y'u ka ɲɛtaa jɔ, " sigida ɲɛmɔgɔ wɛrɛ y' o fɔ AFP ye .
A ka fɔ la, "jitigewalekɛlaw ye pankurunjigiyɔrɔ in dɔ lamini." A y’a iira ko diɲɛ tɔn ba ONU ka kɛlɛbolo min bɛ Mali la, n’o ye Minusma ye, Senegali sɔrɔdasi minnu bɛ yen, olu sera ka ka siratigɛ jitigewalekɛlaw ɲɛ waati dɔɔni kɔnɔ.
Minusma ka daga bɛ hectare naani kan yen pankurunjigiyɔrɔ kɛrɛ fɛ ani Mali sɔrɔdasi bɛ daga min kɔnɔ Russie kaw bɛ yen. Minusma ɲɛmaa dɔ ma sɔn ka kuma a kan. A ta fan fɛ, Mali sɔrɔdasi dɔ min bɛ Sévaré, y'a jira AFP la ko "An bɛ ka binkanni jugu dɔ ɲɛnabɔ Sévaré. An ka cɛw bɛ kɛnɛ kan".
"Ni binkanni in ye kɔ gɛlɛn de ye, ka da kan ni kɛlɛ fɛɛrɛw de ye. An bɛ segin ka na jateminɛ kɛ", sɔrɔdasi ɲɛmɔgɔ wɛrɛ y’o fɔ.
Mali bɛ lakana gɛlɛya kɔnɔ kabini jatigewalekɛlaw ni banbanciw ka murutiliw daminɛna jamana saheliyanfan na san 2012.
Kabini avril kalo san 2020 sɔrɔdasi-jɛkulu dɔ bɛ ka Mali mara, n'u ye jɛɲɔgɔnya min tun bɛ Mali ni Fransi cɛ kabini tuma jan ani tilebinyanfan jɛɲɔgɔn wɛrɛw cɛ jatigewale kὲlɛ la, ka yɛlɛma dɔ o sɔrɔdasiya politiki siratigɛ la ka taa Russie jamana fɛ.