So kɛmɛ caman tiɲɛna ka kɛɲɛ ni kɔrɔtɔko baarakɛlaw ka fɔ ye Israɛl ka mugu-ciw la sufɛ Gaza mara na, yɔrɔ min na seerew kumana yɔrɔ minnu na minnu bɛ mɔgɔ hakili jigin dugukolo yɛrɛyɛrɛ dɔ la. “Sow ni sow kɛmɛ caman tiɲɛna pewu ani so ba caman wɛrɛw tiɲɛna,” Mahmoud Bassal, min ye duuguden lakana ka kumalasela ye Gaza, Palestine jamana min bɛ Israɛl ka fanga kɔrɔ, o y’o fɔ AFP ye. Silamɛtɔn Hamas. Su nin sanfe mugu-cikan juguw "ye Gaza mara ni worodugu-yanfan maraw cogoya falen", a y'a fara a kan. Ka kɛɲɛ ni seereya damadɔ ye, AFP sera ka minnu Lajɛ, Israɛl ka sanfe mugu ci minnu Kɛra su nin na, olu kɛra yɔrɔ minnu na, olu kɛra dɔgɔtɔrɔso fla lamini na, al-Shifa min bɛ Gaza dugu kɔnɔ ani dɔgɔtɔrɔso min bɛ Weele ko "Indonesie" bawo a jɔra k'a sababu Kɛ bolomafaraw ye ka bɔ Indonesie, Jabaliya seko ni dɔnko la worodugu fan fɛ. O binkanniw ye boon caman tiɲɛ ani ka dingɛ belebelebaw to nbɛdaw la minnu tiɲɛna pewu. Chati lakanabagaw ka sigiyɔrɔ la, Gaza dugu dancɛ kɔnɔ, Israɛl ka mugu ci ye tiɲɛniba kɛ, ka kɛɲɛ ni seere caman ka fɔta ye. “Min kɛra Chati, o ka jugu ni dugukolo yɛrɛyɛrɛ ye,” a sigibaga dɔ, Alaa Mahdi, san 54, y’o fɔ AFP ye. "A tun bɛ bɔnbɔnw ci yɔrɔ bɛɛ, kɔgɔjidala sɔrɔdasikulu, marifatigiw ani awiyɔnw. U bɛ jɔn gosi, kɛlɛcɛw? Ayi, faantanw," a b'a fara a kan. A ka fɔ la, Gaza mara, n’o ye kunnafoniko ni bololo tigɛra yɔrɔ min na kabini jumadon wula fɛ, o kɛra « walasa u ka mɔgɔfaga kɛ k’a sɔrɔ mɔgɔ si ma o mɛn ». - « Ko juguba don » - . Hadamadenw ka josariyaw tɔnba Human Rights Watch (HRW) ye lasɔmini kɛ ko telefɔniko gɛlɛya min bɛ Gaza mara la, o bɛ farati la “ka kɛ jamanadenw ka juguya datugulan ye”. Taxi bolila Jamal Abou Shaqfa, san 50, bɛ bɔ Chati sigiyoro na ni denbaya dɔ ye a kɔnɔ min b’a fɛ ka boli ka taa saheli fan fɛ. A ko : « An bɛ ka taa Khan Younes fan fɛ bawo sanfe mugu binkanni minnu kɛra Chati, danfara tɛ minnu na, olu ma musow, denmisɛnw, mɔgɔkɔrɔbaw si kisi, ko in ka jugu kosɛbɛ ». Nbɛda dɔ la, o kanpaɲi kɔnɔ, duguden tan ni caman bɛ sigiyɔrɔ sankanso dɔ tiɲɛnenw ɲini, n’o ye Bourj al-Ghoul ye, min tiɲɛna sanfe mugu ci binkanniw senfɛ ani a lamini sow fana. A dalen a kɔnɔbara kan binkannikɛlanw kan walasa k'a yɛrɛ mɛn ka ɲɛ, u dɔ, Abdelmajid Abou Hassira, bɛ wele bila mɔgɔ ma minnu bɛ se ka kisi, minnu suturalen don tiɲɛniw kɔnɔ : "Yala mɔgɔ dɔ bɛ a jukɔrɔ wa? ?An bɛ yan k'aw kisi." Lɛrɛ damadɔ ka kɔn mugu ci ba nin daminɛ ɲɛ jumadon wula fɛ, Israɛl sɔrɔdasiw ye Hamas jalaki ko a bɛ “kɛlɛ kɛ ka bɔ dɔgɔtɔrɔsow la” Gaza mara la ani k’a ka jamanadenw kɛ “adamaden ka kala” ye, o min ye silamɛtɔnba in sɔsɔ kosɛbɛ. Kamal Abou Fattoum, san 47, n'o bolila Gaza dugu kɔnɔ dɔgɔkun tɛmɛnen na ka taa saheli fan fɛ, o seginna yen sibiridon sɔgɔma, k'a ye ko a ka so "tiɲɛna" su in binkanniw senfɛ. “O kɔfɛ, n taara Chati ka sigiyɔrɔ la walasa ka n balimamuso lajɛ min sigilen bɛ yen ani n ye tiɲɛni ye min ka jugu ni tiɲɛni ye min kɛra dugukolo yɛrɛyɛrɛ fɛ Turquie jamana na,” a y’o fɔ, k’a ɲɛsin dugukolo yɛrɛyɛrɛ juguba ma min kɛra sababu ye ka mɔgɔ 50 000 ni kɔ faga Turquie saheli-kɔrɔn fɛ feburuyekalo la. "Mɔgɔw bɛ binkanni kɛlanw jukɔrɔ. Dɔw sara, dɔw bɛ balo la hali bi", a b'a fara a kan. Hadamadenw ka ko kɛlenw Gaza mara la, n’o ye balawu ye kaban, o bɛ ka juguya ka taa a fɛ, mɔgɔ minnu bɔra u ka yɔrɔw la, n’olu bɔra u ka so, mara woroduguyanfan fɛ, olu ye UNRWA ka dumuni tila-tilayɔrɔ dɔ sonya sibiridon, n’o ye dɛmɛnjɛkulu ye Deir el-Balah, min bɛ mara cɛmancɛ la, o ye AFP kunnafonidilaw dɔ kɔlɔsi. Palestinekaw tan ni caman tun bɛ ka bɔ o yɔrɔ la, kelen tun bɛ mugu foroko dɔ ta u kamankun kan, tɔ kelen tun bɛ ni tulu buteliw ye u bolo kɔrɔ walima hali lenburuba walima sukaro bɔrɔw. “N’an tun tɛ magojira la an tun tɛna don, diɲɛ bɛɛ bɛ an kɛlɛ,” u dɔ y’o fɔ k’u bɔ santiri la. Dumuni tilatilali bɛ tila-tila a ka c’a la magobatigiw ma lakanabagaw cɛma, o Palestinikaw gɛnna ka bɔ u ka dugukolow la Israɛl jamana dabɔli waati la san 1948 ani minnu bi, u bɛ Gaza maraden miliyɔn 2,4 ɲɔgɔnna 80% jira n’u bɔnsɔnw ye, ka kɛɲɛ ni ka se UNRWA ka jatew ma. Kὲlɛ in daminɛna ɔkutɔburukalo tle 7 Hamas ka binkanniw fɛ Israɛl dugukolo kan, minnu ma deli ka Kɛ fɔlɔ u bonya n’u ka fariyakow la, minnu ye mɔgɔ 1400 ni kɔ Fàga, u fanba ye siwiliw ye, Israɛl ka fɔ la.
Ani AFP