VOA Ka jaabi a ka baaraw jɔli kan Burkina Faso marabagaw fɛ.
Burkina Faso jamana na cakɛda min bɛ yen kunafonidilaw ka baaraw kɔlɔsiliw kama, n’a bɛ wele Conseil Supérieur de la Communication (CSC), y’a fo sɛbɛn kɔnɔ kunun ko BBC ni VOA ka kunafonidisow ka baaraw lajɔ Burkina jamana na dɔgɔkun fila kɔnɔ. Ni ɲaniya in sɔrɔrla, i n'a fɔ cakɛda in y'a fɔ cogo min na sɛbɛn kɔnɔ, k'u kunafonidisow fila ye kunafoni di baɲumakɛton Human Rigths Watch ka jateminɛ sɛbɛn de kan, n’a bɛ Burkina Faso kɛlɛbolo jalaki k’u ye siwiliw faga. Wa o kunafoniw dili ma bɛn Burkina marabagaw ma. O kama kunadilaw ka cakɛda ko kunafonidisow fila nunu ka baaraw lajɔ Burkina. A y’a jira fana ko baɲumakɛton Human Rights Watch ka jateminɛ sɛbɛn in kunafoniw dili ka da bila BBC ni VOA la.
Kunafonidisow fila nunu ani Baɲumakɛton Human Rigths Watch ka bololo siraw fana tigɛra Burkina Faso jamana kɔnɔ.
Kaw ladɔɔniya yan ni VOA kunafonidiso ka kunafoni di baɲumakɛton Human Rigths Watch ka jateminɛ sɛbɛn in kan, a y’a ɲini folo ka kuma Burkina Faso marabagaw fɛ, nka VOA kunafonidiso ma jaabi sɔrɔ u fɛ. O kama VOA k’a bɛ taani kunafoniw dili ye Burkina Faso kan, i n'a fɔ a tun b’a kɛ cogo min na kɔrɔlen, wa a b’a bɛɛ damakɛɲɛ fana kunafonidi la.
VOA