SEOUL, KOREE SUD —
Diɲɛ ɲɛmɔgɔw ye foli lase Donald Trump ma, kunnafonidilaw ka jateminɛw y’a jira kɔfɛ ko a bɛ sira kan walasa ka sebaaya jɔnjɔn sɔrɔ san 2024 Amerique jamanakuntigi ka kalataw la. A bɛ iko Trump bɛna se sɔrɔ a ka Demokaratiw ka ɲɔgɔndankɛla Kamala Harris kan, o kɛra tariku politiki segin ye Republicain jamanakuntigi kɔrɔ fɛ, san naani bɔlen kɔ fanga la. VOA ma se ka sebaaya jira fɔlɔ nin boli nin na. Karidon daminɛ na, diɲɛ ɲɛmaa caman taara sosiyete ka kunnafonidilan X kan walasa ka foli lase Trump ma, n’a ka jamana kɔkan politiki taabolo “Amerique fɔlɔ” min ma fɔ ka ɲɛ, o ye jɛɲɔgɔnya gɛlɛya ni Amerique jɛɲɔgɔn caman ni jugu caman ye ɲɔgɔn fɛ a ka fanga waati fɔlɔ kɔnɔ. Israɛl fanga ɲɛmɔgɔ Bɛnjamin Netanyahu tun ye Amerique jɛɲɔgɔn fɔlɔ dɔ ye min ye dɛmɛ cikan ci, k’a tanu Trump ka “tariku seginni” la, a ko o bɛ “segin barikama di jɛɲɔgɔnya belebele ma Israɛl ni Amerique cɛ.”. Ukraine jamanakuntigi Volodymyr Zelenskyy, n’o ye wele bila Ameriki ni Tlebi jamanaw ka dɛmɛ caman ma walasa ka Irisi jamana ka binkanni kɛlɛ, o ye kuma ɲuman fɔ a ko min ye Trump ka cɛsiri ye “hɛrɛ fanga fɛ” diɲɛ koɲɛw la. Zelenskyy y’a fɔ ko: “Nin ye sariyakolo tigitigi ye min bɛ se ka hɛrɛ tilennen gɛrɛ Ukraine jamana na tiɲɛ na. OTAN ɲɛmaa — tilebin yanfan sɔrɔdasi jɛkulu min kɔrɔfɔra kabini tuma jan k’a sababu kɛ a ma baara kɛ ka ɲɛ walasa ka Erɔpu lafasali ladon — o ye o kuma sugu fɔ a ka foli cikan kɔnɔ Trump ye.
“A ka ɲɛmɔgɔya bɛna kɛ fɛnba ye tugun walasa k’an ka Jɛkulu barika bonya N b’a fɛ ka baara kɛ n’a ye tugun walasa ka hɛrɛ ɲɛtaa sabati #OTAN sababu fɛ,” o ye Mark Rutte ka fɔ ye, min ye OTAN kankorosigi ba ye. France jamanakuntigi Emmanuel Macron fana ye foli lase joona, k’a fɔ ko ale “labɛnna ka baara kɛ ɲɔgɔn fɛ i n’a fɔ an y’a kɛ cogo min na san naani kɔnɔ ... n’aw ka dannaya ye ani ne ta.” Angletɛri minisiriɲɛmɔgɔ Keir Starmer y’a jira k’a ka fanga jɔlen bɛ “kamankun ni kamankun” ka hɔrɔnya, democrasi ani baarakɛcogo nafa jɛlenw lafasa. Starmer ko: “K’a ta bonya ni lakana la ka se kokuradonni ni donije -tekinoloji ma, n b’a dɔn ko U.K. ni U.S. cɛsira kɛrɛnkɛrɛnnen bɛna taa a fɛ ka ɲɛtaa sɔrɔ Atlantique kɔgɔji fan fila bɛɛ la san nataw kɔnɔ.” Ursula von der Leyen, n’o ye EU jamakulu ɲɛmaa ye, y’a jira ko ale bɛ “foli la[s]” Trump ma ni dusu ye, wa a ye “jɛɲɔgɔnya lakika” tanu Erɔpu tɔnba ni Amerique cɛ. Trump ka fanga fɔlɔ la, sɔsɔli daminɛna EU ni Amerique . cɛ, a yɔrɔ dɔ ye Trump ka salenw-tarifuw bilali ye Erɔpu jamanaw ka jagofɛnw kan. Hɔngiri jamana minisiriɲɛmɔgɔ Victor Orban, n’o ye Trump jɛɲɔgɔn kɔrɔlen ye, ye Trump ka sebaaya wele ko “seginba min kɛra Amerique politiki tariku kɔnɔ” k’a fɔ ko “se sɔrɔli min mago bɛ a la kosɛbɛ” diɲɛ kɔnɔ. Russie jamanatigi Vladimir Putin ma kuma U.S. ka kalata jaabiw kan. Nka ka taa a fɛ Azi jamana ɲɛmɔgɔw fana y’a daminɛ ka foli cikanw ci. Australie jamana minisiriɲɛmɔgɔ Anthony Albanese y’a jira ko “Ɔsitaralikaw ni Amerikikaw ye teribaw ye ani jɛɲɔgɔn lakikaw.” Inde jamana fanga ɲɛmɔgɔ Narendra Modi ye "foli lase Trump ma, a ye min wele ko a terikɛ. “N’aw bɛ ka dɔ fara aw ka ɲɛtaa kan san tɛmɛnnen kɔnɔ, n b’a fɛ ka segin an ka jɛkafɔ kan walasa ka fanga di kosɛbɛ” Amerique ni Inde jamana cɛsira la, Modi y’o fɔ. Philippine jamanatigi Ferdinand Marcos Jr. y’a jira a ka kunnafoni dɔ kɔnɔ ko “jɛɲɔgɔnya min tɛ yɛrɛyɛrɛ” min bɛ Washinton ni Manila cɛ, “o bɛna kɛ ɲumanya fanga ye min bɛna ɲɛtaa ni teriya sira tasuma don, o mara kɔnɔ, ani jamana fan fila bɛɛ la Pacifique.”