Amerique jamanakuntigi Donald Trump y’a jira ko Amerique sɔrɔdasi-dɛmɛ-ciw Ukraine ma be sonsoron, o jɔli kɔfɛ , Kiev n’a jɛɲɔgɔnw Eurɔpe jamanaw sirannen dòn o bɛna nɔ min blà kele kene kan. Sɛgɛsɛgɛlikɛlaw ko sugo jugu nin ye ko Amerique ni Russila bɛ son ka hɛrɛ bɛnkan dɔ laseli ke sɔɔni, ka sɔrɔ k’a fɔ Ukraine ni Eurɔpe ye u‘k’a son walima k’a ta’. Royaume Uni ni Eurɔpe tun bɛna labɛn fo ka se hakɛ jumɛn ma walasa ka Ukraine dɛmɛ ka Ameriki sɔsɔ? Wa yala u bɛna se ka Amerique ye yɔrɔ min to yen, o fa wa? Amerique ka dɛmɛ fanba bɔra Washinton yɛrɛ ka fɛnmarayɔrɔw la ani minɛnw sɔrɔli sugu dafalen na, o bɛna waati jan ta kosɛbɛ. Kɔsa nin na, jateminɛw y’a jira ko sɔrɔdasi-minɛnw bɛɛ lajɛlen min bɛ di Ukraine sɔrɔdasiw ma, o 20% dɔrɔn de bɛ bɔ Amerique sisan - nka o ye dɛmɛ ye min bɛ mɔgɔ faga kosɛbɛ ani min nafa ka bon Kiev ma.